Lyrics

اليوم أخذنا موضوع كتير حلو في الـDM هو موضوع يعني أنا حبيت أني أناقشكم فيه هو موضوع الصدق. هلا الصدق كلنا منعرف إنه هو إشي كتير يعني كتير مهم في حياتنا وكلنا منستخدمه. إذا كذبنا فما رح نحصل على الإشي اللي إحنا بدنا إياه. أما إذا كنا صادقين فنحصل على الإشي اللي كنا بدنا إياه إحنا. ليش إحنا لازم تكون عنا صفة الصدق؟ لأن الرسول صلى الله عليه وسلم كان يلقبوه في الصدق الأمين. كان هو صادق فإحنا لازم نقتد فيه. وبدي أحكي لكم إصة عن هذا الموضوع. كان في مرة ولد عم بركض وعم بلحقوه حرمية. بظل يركض عبال ما وصل على الغابة وشاف حطاب. صار يقول له يا عمو عم بلحقوني حرمية وين لازم أتخبأ ساعدني؟ فصار يقول له الحطاب اتخبى بين الحطب. ركض الولد وتخبى بين الحطب. فأجي الحرمية وسأل الحطاب شفت الولد اللي كان عم بركض هون؟ فصار يقول لهم الحطاب آه هيو متخبى بين الخشب. طبعا لما حكى للحرمية الولد يا حرام خاف كتير وصار يقول طب ليش هيك عمو حكى لهم؟ طبعا هم اتطلعوا على بعض وصار يقولوا مستحيل أكيد عم بيكذب علينا بدي يخلي الولد يهرب منه وراحوا يدوروا في مكان تاني. بس راحوا. طلع الولد وهو خايف بسأل للحطاب ليش قلت لهم عن محلي؟ فصار يقول للحطاب لا تخاف الله بنجي أي حدا بيصدق فأنت دايما احكي الصدق عشان الله ينجيك. احنا شو استفدنا من هاي القصة؟ استفدنا انه الصدق هو أساس النجاة. وبردو انه احنا لما نصدق الله بيوقف معنا ونكون احنا بجوانا مفتاحين. عشان هيك لو شو ما صار معك بالدنيا لا تكذب وكون صادق وكون انت غير.