Lyrics

الشريفة الكريمة العظيمة المشيرة ستنا السيدة زينب، أم هاشم، أم العواجز، رئيسة الديوان، عشان خاطر الرئيس المشيرة الكريمة العظيمة ستنا السيدة زينب. السيدة زينب بنت الإمام علي بن أبي طالب، السيدة زينب بنت سيدتنا فاطمة رضي الله عنها وأرضاها بنت سيدنا رسول الله صلى الله عليه وعلى آله وصحبه وسلم. السيدة زينب من البيت النبوي العظيم عقيلة بني هاشم والحكيمة بتاعة أهل البيت كلهم. السيدة زينب اتولدت بعد سيدنا الحسن وسيدنا الحسين. انتقل رسول الله صلى الله عليه وسلم إلى الرفيق الأعلى وهي عندها أربع سنين. وبعده بست شهور انتقلت أمها رضي الله عنها وأرضاها ستنا السيدة فاطمة. اتربت السيدة زينب في بيت الإمام علي الفارس الشجاع المغوار باب مدينة العلم زي ما قال عنه رسول الله صلى الله عليه وسلم. كانت من المخدرات يعني من اللي بتقعد في البيت ما بتخرجش ولا تتحرك ولا حد يسمع عنها أي حاجة. لحد ما جيل وقت إنها تخرج من البيت وتنصر أخوها سيدنا الحسين في كربلاء. خرجت وراحت ونصرته وحمت كتير أوي أوي من قال البيت إن هما يتقتلوا ورجعت بيهم على المدينة المنورة. وأول ما وصلت المدينة المنورة نصحوها إن يزيد مش هيسبها في حالها فخليها أحسن تتحرك من المدينة المنورة وتروح أي بلد من البلاد. فاختارت مصر المحروسة عشان عارفة قد إيه مصر والمصريين بيحبوها. استقبلها المصريين في بالبيس بالفرح العظيم وفي نفس الوقت بالحزن والتعازي على موت سيدنا الحسين رضي الله عنه وأرضاه. أخدها والي مصر إسلامة ابن مخلد الأنصاري ووداها قصر كبير جدا على جزء فرع من النيل وقتها في الشارع المسمى دلوقتي بحي السيدة زينب. قعدت هناك أمنا وحبيبتنا السيدة زينب نورت مصر. كانت المشيرة عشان بيستشيروها في كل حاجة لحكمتها. وكانت رئيسة الديوان عشان والي مصر كان بيعقد ديوان الحكم في بيتها وهي اللي بتاخد وهي اللي بتديهم المشهورة. كانت أم العواجز وأم اليتامة علشان كانت بتحميهم وعملت بيت للأيتام في المدينة المنورة في عهد الخليفة علي بن أبي طالب وبعد كده عملت بيت للأيتام والعواجز هنا في مصر. رضي الله عنها وأرضاها احنا كل تلات آخر تلات من شهر رجب بنحتفل بميلاد السيدة زينب يعني بقدومها ودخولها مصر المحروسة. دخلت السيدة زينب مصر قضت فيها حوالي 18 شهر وانتقلت إلى الرفيقة الأعلى ودفنت في الغرفة اللي كانت بتنام فيها اللي هي دلوقتي مقام السيدة زينب في حي السيدة زينب. ولو نزلت مصر وقلت بس كلمة السيدة ألف من يدلك على مكان السيدة زينب.